Prezidentimizning joriy yil 18-avgustdagi Olimpiya shaharchasiga bo'lgan tashrifida Voleybol federatsiyasi faoliyati boʻyicha taqdimot oʻtkazilgan edi. Davlatimiz rahbari voleybol sportiga katta eʼtibor qaratib, ushbu sohani rivojlantirish boʻyicha maxsus qaror ishlab chiqish tashabbusini ilgari surgan edi.

Mazkur tashabbus doirasida Ichki ishlar vazirligi hamda Voleybol federatsiyasi mutasaddilari tomonidan qaror loyihasi ishlab chiqildi. Bugun ushbu loyiha yuzasidan dastlabki taqdimot boʻlib oʻtdi.

Ilk taqdimot Ichki ishlar vaziri oʻrinbosari, Voleybol federatsiyasi birinchi oʻrinbosari Abdullayev Bekmurod Tojimirzayevichga qilindi. Loyihani atroflicha oʻrganish jarayonida voleybolni mamlakatimizda yanada ommalashtirish va infratuzilmani rivojlantirishga oid qoʻshimcha takliflar ham bildirildi.

                                                         O‘zbekiston Voleybol federatsiyasi matbuot xizmati