Voleybol sport turi boʻyicha oʻsmirlar oʻrtasida oʻtkazilgan Oʻzbekiston kubogining final bosqichi ham o‘z yakuniga yetdi.

Final bahslarida Qarshi Olimpiya va Paralimpiya sport turlariga tayyorlash markazi tarbiyalanuvchilari bo‘lgan Qarshi jamoasi yuqori mahorat va ustun o‘yin namoyish etib, Namangan jamoasini 3:0 hisobida mag‘lubiyatga uchratdi va musobaqaning mutlaq g‘olibiga aylandi.

Uchinchi o‘rin uchun kechgan bahsda esa Qoraqalpog‘iston jamoasi zafar quchib, turnirni 3-o‘rin bilan yakunladi.

Musobaqa yakunida g‘olib va sovrindor jamoalar tantanali ravishda sahnaga taklif etilib, o‘z medallarini faxr va iftixor bilan qabul qilib oldi. Qatnashgan barcha jamoalarga kelgusi musobaqalarda yuksak marralar va yorqin g‘alabalar tilaymiz!