Bugun, 24-avgustdan boshlab U16 Oʻzbekiston Kubogi musobaqalari oʻz startini oldi. Mamlakatimizning turli hududlaridan tashrif buyurgan eng iqtidorli yosh voleybolchilar gʻoliblik uchun kurash boshlashmoqda.

Musobaqalar Toshkent viloyati, Chirchiq shahridagi Oʻzbekiston davlat jismoniy tarbiya va sport universitetining zallarida oʻtkazilmoqda. Bu yosh sportchilar uchun oʻz mahoratini namoyish etish, tajriba orttirish va kelajakda katta voleybol sari dadil qadam tashlash uchun muhim maydondir.

Kecha musobaqalar oldidan mandat yigʻilishi boʻlib oʻtdi. Unda jamoalarning ishtiroki rasmiylashtirildi, shuningdek, tashkilotchilar tomonidan musobaqa qoidalari va tartiblari yuzasidan batafsil tushuntirishlar berildi.

Oʻyinlarni barcha voleybol ixlosmandlari bepul tomosha qilishlari mumkin. Turnir davomida siz nafaqat yosh isteʼdodlarning mahoratini kuzatishingiz, balki voleybolimizning kelajak yulduzlarini yaqindan tanib olishingiz ham mumkin

                                                                       O‘zbekiston Voleybol federatsiyasi matbuot xizmati