Bugun 1-umumiy o‘rta ta’lim maktabida tuman IIB tashabbusi hamda hamkor tashkilotlar bilan birgalikda, marhum Navoiy Olimpiya va paralimpiya sport turlariga tayyorlash markazi voleybol bo‘limi murabbiyi Muzaffar Yadgarov xotirasiga bag‘ishlangan ochiq voleybol musobaqasi o‘tkazildi.

Musobaqa yoshlar va kattalar toifasida tashkil etilib, har ikki yo‘nalishda ham munosib g‘olib va sovrindorlar aniqlandi.

Taqdirlash marosimida tuman IIB boshlig‘i Nodir Ashurov, tuman hokimining o‘rinbosari O‘lmas Istamov, ishtirokchilar hamda sport sohasiga mas’ul rahbarlar ishtirok etishdi.

G‘olib va sovrindorlar medal, diplom va esdalik sovg‘alari bilan taqdirlandilar.

                                       O‘zbekiston Voleybol federatsiyasi matbuot xizmati