Voleybol bo'yicha Osiyo Voleybol Konfederatsiyasi (AVC) U-16 o'gil bolalar va qiz bolalar o'rtasidagi musobaqa oldidan Zoom platformasida yig'ilish o’tkazildi va qura tashlash marosimi bo'lib o’tdi.

Yig'ilishda O'zbekiston terma jamoasi o’g’il bolalar C guruhidan, qiz bolalar esa A guruhidan joy olishdi. Bu musobaqalar o’g’il bolalar uchun 12-19 iyul kunlari Taylandning Nakhon Phanom shahrida, qiz bolalar uchun esa 20-27 iyul kunlari Iordaniya poytaxti Amman shahrida o’tkaziladi.

Yig'ilish davomida musobaqalar tashkilotiga oid ko'plab masalalar muhokama qilindi, qatnashchi davlatlarning jamoalari uchun ahamiyatli yangiliklar va tayyorgarliklar ko'rib chiqildi.

O’zbekiston terma jamoasiga muvaffaqiyatlar tilab, barcha sportchilarni musobaqalarda faqat g'alaba qozonishga chaqiramiz!

                                                                               O'zbekiston voleybol federatsiyasi Axborot xizmati