Oʻzbekiston voleybol federatsiyasi rejasiga muvofiq, voleybol bo‘yicha Oʻzbekiston U-17 terma jamoasi Namangan viloyati, Uchqoʻrgʻon tumanida o‘quv-yig‘in mashg‘ulotlarini olib bormoqda. Mazkur yig‘in 15–25 dekabr kunlari Uchqoʻrgʻon tuman voleybol sport turlariga ixtisoslashgan davlat maktab-internatida tashkil etilib, mashg‘ulotlar Oʻzbekiston voleybol federatsiyasi murabbiyi Muxiddin Shodmonov boshchiligida o‘tkazilmoqda.

🔺 O‘quv-yig‘in jarayonida yosh voleybolchilarning jismoniy va texnik-taktik tayyorgarligini oshirish, jamoaviy o‘yin elementlarini takomillashtirish hamda kelgusi respublika va xalqaro musobaqalarga munosib tayyorgarlik ko‘rish asosiy maqsad qilib belgilangan.