Buxoro viloyatida qizlar o‘rtasida (U-20) O‘zbekiston kubogi musobaqalari qizg‘in va murosasiz bahslar ostida davom etmoqda. Bugun musobaqa doirasida o‘tkazilgan uchrashuvlar yakuniga ko‘ra final bosqichiga yo‘l olgan jamoalar ma’lum bo‘ldi.

Bugungi bahslarda Buxoro viloyati hamda Jizzax viloyati qizlar terma jamoalari o‘rtasida kechgan uchrashuvda Buxoro viloyati terma jamoasi g‘alaba qozonib, final yo‘llanmasini qo‘lga kiritdi.

Buxoro - Jizzax 3:0

Shuningdek, Xorazm viloyati va Qoraqalpog‘iston Respublikasi qizlar terma jamoalari o‘rtasidagi bahsda Xorazm viloyati terma jamoasi ustun kelib, musobaqaning final bosqichiga yo‘l oldi.

Xorazm va Qoraqalpog‘iston 3:1

Hal qiluvchi bahs tomoshabinlarga yana bir bor murosasiz va tomoshabop o‘yin taqdim etishi kutilmoqda.

Final bahsida barcha jamoalarga omad va muvaffaqiyatlar tilaymiz.