Bugun Vatanimiz Oʻzbekiston Respublikasining mustaqillikka erishganiga 34 yil to‘ldi. Bu yillar davomida xalqimiz o‘z mehnati, fidoyiligi va birlik ruhi bilan yurtimizni taraqqiyot va yuksalish yo‘liga olib chiqdi.

Oʻzbekiston Voleybol Federatsiyasi jamoasi ushbu ulug‘ ayyom bilan xalqimizni samimiy muborakbod etadi.

Mustaqillik yillarida sportimiz, jumladan, voleybolimiz ham katta rivojlanish yo‘lini bosib o‘tdi. Yurtimizda zamonaviy sport inshootlari barpo etilmoqda, xalqaro talablarga mos sharoitlar yaratilmoqda. Bu esa sportchilarimizning yuksak natijalarga erishishi uchun mustahkam poydevor bo‘lib xizmat qilmoqda.

Shu o‘rinda Prezidentimizga sport, xususan, voleybolni rivojlantirishga ko‘rsatayotgan e’tibor va yaratib berayotgan keng imkoniyatlari uchun chuqur minnatdorlik bildiramiz.

Yurtimiz tinch, bayrog‘imiz baland, sportchilarimiz doimo g‘olib bo‘lsin!

                                                                                   O‘zbekiston Voleybol federatsiyasi matbuot xizmati