2-may kuni “Ichki ishlar vaziri kubogi” musobaqasi doirasida 112 nafar maktab oʻquvchilari uchun IIV Akademiyasida “Ochiq eshiklar kuni” tashkil etildi. Tashrif doirasida ular Akademiyaning axborot-resurs markazi, mashgʻulot maydoni, jangovar va jismoniy tayyorgarlik kafedrasi, muzey hamda vatanparvarlik burchagi bilan tanishdilar. Shuningdek, kursantlar hayoti va ular uchun yaratilgan shart-sharoitlar haqida ma'lumotga ega boʻldilar. Tadbir yakunida IIV va Akademiya rahbarlari ishtirokida davra suhbati oʻtkazilib, oʻquvchilar oʻzlarini qiziqtirgan savollarga javob oldilar.

Bundan tashqari, 2025 yil 4-may kuni Ichki ishlar vazirligi Ichki ishlar organlari tarixi muzeyiga tashrif buyurishdi. Ularga ichki ishlar organlari tarixi, ichki ishlar organlarining el-yurt osoyishtaligini ta'minlash va jinoyatchilikka qarshi kurashish sohasidagi faoliyati, bu yoʻlda samarali xizmat qilgan xodimlarning ibratli hayoti va faoliyati, soʻnggi yillarda tizimda amalga oshirilgan islohotlar haqida batafsil ma'lumot berildi. Bu kabi tadbirlar yoshlarda vatanparvarlik, qonunlarga hurmat hissini shakllantirish bilan birga Ichki ishlar organlarining faoliyatiga qiziqish uygʻotishda muhim ahamiyat kasb etmoqda.

Shuningbek, voleleybol bo'yicha o'tkazilgan musobaqalarini taqdirlash marosimi JAR sport-sog'lomlashtirish markazida bo'lib o'tdi.

Respublika bosqichi natijalariga ko'ra:

• Eng yaxshi hujumchi – Tajimuratov Javoxir (Xorazm)

• Eng yaxshi toʼsiq qoʼyuvchi – Yandashev Mustafo (Samarqand)

• Eng yaxshi toʼp koʼtaruvchi – Kimsanaliev Oyatullo (Fargʼona)

• Eng yaxshi libero – Qaxramonov Fayozjon (Jizzax) lar taqdirlandi.

Jamoalar bo'yicha esa:

🥇 Qoraqalpogʼiston (18-son maktab)

🥈 Qashqadaryo (35-son maktab)

🥉 Navoiy (41-son maktab) natijalari qayd etildi.

G'olib jamoalar zamonaviy turdagi elektron doska va qimmatbaho sovg'alar bilan taqdirlanishdi.

Yoshlarimizni tabriklaymiz va ularga kelgusida omad tilaymiz!