Bugun Ichki ishlar vaziri o'rinbosari Abdullayev Bekmurod Tojimirzayevich ishtirokida O'zbekiston voleybol federatsiyasi xodimlari uchun yig'ilish bo'lib o'tdi. Majlisda xodimlarga Jahon Chempionatining yuqori saviyada o'tganligini uchun tashakkur bildirdi. Nutq davomida vazir o'rinbosari shunday dedi:

Ta’kidlash joizki, chempionatni kuzatgan FIVB rasmiy delegatsiyasi O‘zbekistonning tashkilotchilik salohiyatini chuqur e’tirof etib, yurtimizni kelgusida ham ana shunday nufuzli xalqaro musobaqalarga to‘liq tayyor deb baholadi.

Ushbu yutuqlar ortida har bir xizmat ko‘rsatgan yurtdoshimizning halol mehnati, vatanparvarligi va yuksak mas’uliyati mujassam. Shuning uchun jurnalistlar, volontyorlar, huquq-tartibot xodimlari, texnik va tibbiy xizmat vakillari, tarjimonlar, haydovchilar, shtab xodimlari va boshqa barcha fidoyi hamkasblarga O‘zbekiston Respublikasi Ichki ishlar vazirligi nomidan, shaxsan o‘zimning nomimdan chuqur minnatdorchiligimni bildiraman.

Sizlarning har biringiz bu tarixiy musobaqaning muhim qahramoniga aylandingiz.

Yurtimiz tinchligi, sport taraqqiyoti va xalqaro nufuzini mustahkamlash yo‘lidagi xizmatlaringiz abadiy e’tiborda bo‘ladi.

Barchangizga mustahkam sog‘liq, farovonlik va kelgusi faoliyatingizda yanada yuksak marralarni tilayman.

Bundan tashqari voleybol sport turini yanada ommalashtirish, terma jamoalar tarkibini yanada yaxshilash vazifalari ham berildi. Vazir o'rinbosari tomonidan xalqaro murabbiy va legioner o'yinchilarni jalb qilish, ular orqali terma jamoa sportchilarini ham malakasini oshirish masalalari ham ta'kidlab o'tildi.

                                                                                                O‘zbekiston Voleybol federatsiyasi matbuot xizmati