Qizlarimizga kuch va ishonch — medal uchun kurash davom etadi!

Bugun qizlarimiz Rossiya jamoasiga qarshi maydonga tushdi. Qizg‘in va murosasiz kechgan bahsda raqib 3:0 hisobida g‘alaba qozondi.

Shunga qaramay, bizning qizlarimiz hali ham kurashni davom ettiradi. Keyingi uchrashuv mezbon davlat jamoasiga qarshi bo‘lib o‘tadi va bu bellashuv medal taqdirini hal qiladi.

Bugungi o‘yindan so‘ng O‘zbekiston voleybol federatsiyasi bosh kotibi Farhod Alimov terma jamoamiz bilan uchrashib, ularni ruhlantirdi:

“Davlatimizga medal bilan qaytishimiz kerak. Yuzimiz yorug‘ bo‘lishi lozim. Keyingi o‘yinlarda g‘alaba uchun kurashishimiz zarur,” — dedi u suhbat chog‘ida.

Federatsiya jamoamizga ishonadi va navbatdagi uchrashuvda g‘alaba tilaydi!

                                                            O‘zbekiston Voleybol federatsiyasi matbuot xizmati