Bugun — O‘zbekiston Voleybol federatsiyasi rais o‘rinbosari Fayziyev Jamshid Shukruloyevichning tavallud kunlari.

Ushbu sana munosabati bilan Sizni chin dildan, eng ezgu tilaklar bilan muborakbod etamiz!

Hurmatli Fayziyev Jamshid Shukrulloyevich

Siz sport sohasi, xususan voleybolning taraqqiyotiga ham ulkan hissa qo‘shib kelmoqdasiz. Tashabbuskorlik, mas’uliyat va fidoyilik bilan olib borayotgan faoliyatingiz natijasida yurtimiz sporti, ayniqsa yoshlar o‘rtasida voleybolga bo‘lgan qiziqish yildan-yilga ortib bormoqda. Sportga bo‘lgan e’tibor va liderlik qobiliyatlaringiz tufayli federatsiya faoliyati yangi bosqichga ko‘tarilib, xalqaro maydonlarda ham ijobiy natijalarga erishmoqda.

Sizga sihat-salomatlik, bardavom kuch-quvvat, tinimsiz mehnatingizda ulkan zafarlar, shaxsiy hayotingizda esa baxt va osoyishtalik tilaymiz. Doimo sog‘-omon bo‘ling, yurtimiz va xalqimiz xizmatida yuksak cho‘qqilar sari dadil odimlang!

Hurmat bilan,

O‘zbekiston Voleybol federatsiyasi jamoasi