Hurmatli Shavkat Miromonovich!

O‘zbekiston Voleybol federatsiyasi jamoasi nomidan Sizni tavallud ayyomingiz bilan muborakbod etamiz!

Yurtimiz taraqqiyoti, xalqimiz farovonligi, yosh avlod tarbiyasi va sog‘lom hayot tarzini qaror toptirish borasidagi buyuk xizmatlaringiz tahsinga loyiq. Siz rahbarlik qilayotgan islohotlar tufayli bugun sport sohasida, jumladan, voleybol yo‘nalishida ham misli ko‘rilmagan yutuqlarga erishilmoqda. Yurtimiz yoshlarining salohiyatini ro‘yobga chiqarish, ularning jahon maydonlarida O‘zbekiston nomini munosib himoya qilishi uchun yaratilayotgan imkoniyatlar bizni har doim ruhlantirib, yangi g‘alabalarga ilhom bag‘ishlaydi.

Sizning doimiy e’tiboringiz, sportga bo‘lgan yuksak g‘amxo‘rligingiz tufayli bugun O‘zbekiston voleyboli xalqaro miqyosda munosib o‘rin egallamoqda. Xususan, 2025-yilda yurtimizda ilk bor o‘tkazilayotgan U19 o‘smirlar o‘rtasidagi Jahon chempionatiga mezbonlik qilishimiz – bu mamlakatimizda sportga, ayniqsa, yosh avlodning jismoniy va ma’naviy barkamolligiga berilayotgan e’tiborning amaldagi ifodasidir.

Sizga sihat-salomatlik, uzoq umr, oilaviy tinchlik-farovonlik, O‘zbekistonimiz ravnaqi yo‘lida olib borayotgan ulug‘vor faoliyatingizda davomiy muvaffaqiyatlar tilaymiz!

Hurmat bilan,

O‘zbekiston Voleybol federatsiyasi jamoasi