27-iyun — Matbuot va ommaviy axborot vositalari xodimlari kuni munosabati bilan siz, soha fidoyilari va ma’naviyat posbonlarini, O‘zbekiston Voleybol federatsiyasi nomidan chin dildan tabriklaymiz!

Sizlar — axborot maydonining fidoyi va matonatli vakillarisiz. Jamiyatda ochiqlik, xabardorlik, so‘z erkinligi va yuksak ma’naviy tafakkurni qaror toptirishda tutgan o‘rningiz beqiyos. Har bir yangiligingiz — haqiqatni yorituvchi nur, har bir maqolangiz esa ijtimoiy ongni uyg‘otuvchi qudratli kuchdir.

Voleybol sporti va yurtimiz sport salohiyatini ommalashtirish yo‘lidagi hissangiz uchun sizlarga chuqur minnatdorchilik bildiramiz. Biz sizlarning doimiy hamkorligingiz, yangiliklar orqali yutuqlarimizni keng jamoatchilikka yetkazayotganingizdan behad mamnunmiz.

Bayram munosabati bilan barchangizga mustahkam sog‘lik, ijodiy parvozlar, xalq e’tirofiga sazovor yangiliklar, shuningdek, yutuqlarga boy hayot tilaymiz!

Hurmat bilan,

O‘zbekiston Voleybol federatsiyasi jamoasi