“POSTDA” gazetasida yangi rukn yo‘lga qo‘yildi
O‘zbekiston Respublikasi Ichki ishlar vazirligi nashri — “POSTDA” gazetasida endilikda O‘zbekiston Voleybol federatsiyasi faoliyatiga bag‘ishlangan maxsus rukn muntazam ravishda yoritib boriladi.
Mazkur tashabbusning maqsadi — mamlakatimizda voleybol sportining rivojlanishi, ichki va xalqaro musobaqalarda erishilayotgan yutuqlar, yoshlar o‘rtasida sog‘lom turmush tarzini targ‘ib qilish hamda federatsiya faoliyatining ochiqligini ta’minlashdan iborat. Rukn doirasida federatsiya tomonidan amalga oshirilayotgan ishlar, sportchilar tayyorgarligi, murabbiylar faoliyati, o‘quv-mashg‘ulot jarayonlari hamda sport sohasidagi eng so‘nggi yangiliklar yoritilib boriladi.
“POSTDA” gazetasi bilan hamkorlik voleybolni ommalashtirish, yangi iste’dodlarni kashf etish va sport jamoatchiligi bilan o‘zaro muloqotni mustahkamlash yo‘lida muhim qadamlardan biri bo‘ladi.
