Yig‘ilishda viloyat hokimi o‘rinbosari Sh. Polvonov, Yoshlar ishlari agentligi viloyat rahbariyati, viloyat sport boshqarmasi mutasaddilari, shahar va tumanlar IIO jamoat xavfsizligi rahbarlari, hokimliklarning yoshlar siyosati bo‘yicha o‘rinbosarlari, sport maktablari direktorlari hamda mas’ul tashkilotlar vakillari ishtirok etdilar.

🏐 Tadbirda musobaqalarning tashkil etilishi, yoshlarni sportga jalb qilishda erishilayotgan natijalar, mavjud muammolar va ularning yechimi bo‘yicha fikr almashildi. Shu bilan birga, tuman bosqichini o‘tkazish masalasi ham muhokama qilindi. Bu musobaqalarning yanada samarali va kengroq formatda o‘tkazilishi uchun zarur choralar belgilandi. 

✅ Shuningdek, tumanlarda sportga bo‘lgan qiziqishning ortganligi va yoshlar o‘rtasida sog‘lom turmush tarzini targ‘ib qilishda erishilgan yutuqlar alohida ta'kidlandi. Biroq, tuman bosqichlarini o‘tkazishdagi ayrim kamchiliklar ham muhokama qilinib, mavjud kamchiliklarni hal qilish uchun tegishli mutasaddilarga zarur ko‘rsatmalar berildi.

💠 Keyingi rejalar doirasida, musobaqalarni yanada ko‘proq yoshlarni jalb etadigan tarzda tashkil etish, masalalari belgilandi. Asosiy maqsad — yoshlarni sog‘lom turmush tarziga jalb etish, jismoniy tarbiya hamda ommaviy sportni yanada rivojlantirishdir.

🌟 Yig‘ilishning yakunida, musobaqalarning tashkil etilishidagi mavjud muammolarni bartaraf etish va keyingi bosqichlarda erishilgan yutuqlarni yanada kengaytirish bo‘yicha aniq rejalar ishlab chiqildi.