Bugun Toshkent shahrida Markaziy Osiyo Voleybol Assotsiatsiyasi (CAVA) tomonidan o‘tkazilgan CAVA WOMEN’S VOLLEYBALL CHAMPIONSHIP 2025 musobaqasining yopilish marosimi bo‘lib o‘tdi.

Tadbir davomida barcha ishtirokchi jamoalar, murabbiylar va hakamlar sahnaga taklif etildi. Chempionatda faol ishtirok etgan jamoalar, eng yaxshi o‘yinchilar hamda hakamlar maxsus sertifikat va sovrinlar bilan taqdirlandilar.

Marosimda O‘zbekiston Respublikasi ichki ishlar vaziri o‘rinbosari - Bekmurod To‘jimirzayevich Abdullaev, Oʻzbekiston voleybol federatsiyasi raisi oʻrinbosari Jamshid Shukrulloyevich Fayziyev, O‘zbekiston davlat jismoniy tarbiya va sport akademiyasi rektori - Ilhomjon Axmedovich Tursunaliyev, O‘zbekiston Respublikasi Sport vazirligi boshqarmasi bo‘lim boshlig‘i - Sherzod Murodullayevich Olimov, Markaziy Osiyo Voleybol Assotsiatsiyasi (CAVA) vakili, VIS delegatsiyasi a’zosi - Morteza Afjeh va yana nechta faxriy mehmonlar ishtirok etishdi.

Musobaqa yakunlariga ko‘ra:

Eron — chempionat g‘olibi bo‘ldi va oltin medalni qo‘lga kiritdi.

O‘zbekiston — kumush medal bilan taqdirlandi.

Qirg‘iziston — bronza medal sohibiga aylandi.

Chempionat nafaqat sport bellashuvi, balki do‘stlik, hamjihatlik va yangi imkoniyatlar maydoni bo‘ldi. Turnir Markaziy Osiyo mamlakatlari o‘rtasidagi sport aloqalarini yanada mustahkamlashga va yosh sportchilarning xalqaro tajriba orttirishiga xizmat qildi.

                                                              O‘zbekiston Voleybol federatsiyasi matbuot xizmati