Bugun O‘zbekiston voleybol federatsiyasi raisi o‘rinbosari Jamshid Fayziyev hamda Andijon davlat texnika instituti rektori, texnika fanlari doktori, professor Umid Turdialiyev o‘rtasida uchrashuv bo‘lib o‘tdi.

🔺 Uchrashuv davomida voleybol sport turini institutda tizimli rivojlantirish, talabalar o‘rtasida ommalashtirish va musobaqalardagi ishtirokni kuchaytirishga qaratilgan hamkorlik yo‘nalishlari muhokama qilindi. Xususan, ADTI “Talaba” sport klubi qoshida voleybolning olimpiya yo‘nalishi bo‘yicha muntazam mashg‘ulotlar tashkil etish, iqtidorli yoshlarni aniqlash va ularni professional tayyorlash borasida kelishuvga erishildi.

Tomonlar talabalarni jismoniy tarbiya va sportga keng jalb etish, federatsiya bilan qo‘shma dasturlarni yo‘lga qo‘yish hamda jamoaning respublika va xalqaro musobaqalarda faol ishtirokini ta’minlash bo‘yicha hamkorlikni yanada mustahkamlashga kelishib oldi.

💠 Uchrashuv yakunida O‘zbekiston voleybol federatsiyasi va Andijon davlat texnika instituti o‘rtasida hamkorlik memorandumi imzolandi.

                                           O'zbekiston voleybol federatsiyasi matbuot xizmati