“Besh tashabbus olimpiadasi” doirasida erkaklar o'rtasida voleybol bo‘yicha “Ichki ishlar vaziri kubogi” yakunlandi

Yurtimizda yoshlarning bo‘sh vaqtini mazmunli tashkil etish, sog‘lom turmush tarzini keng targ‘ib qilish va ommaviy sportni rivojlantirishga yo‘naltirilgan tizimli islohotlar o‘z samarasini bermoqda. Shu yo‘nalishdagi eng muhim loyihalardan biri bo‘lgan “Besh tashabbus olimpiadasi” doirasida voleybol bo‘yicha o‘tkazilgan “Ichki ishlar vaziri kubogi” Respublika bosqichi o‘z yakuniga yetdi.

Mazkur musobaqa O‘zbekiston Respublikasi Prezidenti Shavkat Mirziyoyev tomonidan ilgari surilgan “Besh muhim tashabbus” loyihasi asosida tashkil etilgan bo‘lib, sport orqali yoshlarni tarbiyalash va ularning salohiyatini yuzaga chiqarishga qaratilgan.

Tantanali taqdirlash marosimida Sport vaziri Adham Ikromov, Ichki ishlar vaziri birinchi o‘rinbosari, polkovnik Ayubxon Raxmatullayev va Yoshlar ishlari agentligi direktori o‘rinbosari Dilnoza Kattaxonova O’zbekiston Voleybol federatsiyasi raisi o’rinbosari Jamshid Fayziyev va bir qator martabali mehmonlar ishtirok etdilar.

Musobaqa natijalari quyidagicha:

16–21 yosh toifasi:

1-o‘rin – Toshkent shahri

2-o‘rin – Farg‘ona viloyati

3-o‘rin – Surxondaryo viloyati

22–30 yosh toifasi:

1-o‘rin – Toshkent shahri

2-o‘rin – Surxondaryo viloyati

3-o‘rin – Qashqadaryo viloyati

G‘olib va sovrindor jamoalar tashkilotchilar tomonidan diplom, medal hamda esdalik sovg‘alari bilan taqdirlandi.

                                                                       O'zbekiston voleybol federatsiyasi Axborot xizmati